Saturday, September 24, 2022

वागमतीका विभिन्न जिल्लामा बर्डफ्लु नियन्त्रणका लागि प्रयास

ताजा / भरखरै प्राप्त

मनमोहनकै शैलीमा ओलीको ‘भावी प्रधानमन्त्री कार्ड’: एमालेलाई फाइदा कि घाटा ?

११ भदौको एमाले केन्द्रीय कमिटी बैठकले अध्यक्ष केपी शर्मा ओलीलाई भावी प्रधानमन्त्री घोषणा गरेर ४ मंसिरको चुनावमा होमिने निर्णय लियो । दुई दिन...

मकवानपुर-२ छोड्दैनौं, माओवादीबाट मै उम्मेदवार बन्छु : बिडारी

राष्ट्रियसभाका पूर्व सदस्य एवम नेकपा माओवादी केन्द्रका केन्द्रीय सदस्य रामनारायण बिडारीले मकवानपुर–२ मा आफूहरुले दाबी नछाड्ने बताएका छन्। आइतबार...

हेटौँडामा पनि नक्सा नभएका, सडक मिचेर बनाएका संरचनामा डोजर चल्ने 

हेटौँडा उपमहानगरपालिकापनि अबैध ढंगबाट सडक मिचेर बनाईएको संरचनालाई उपमहानगरपालिकाले खाली गर्ने तयारी गरेको छ । सडक पेटी मिचेर निर्माण गरिएको संरचनाको कारण...

राष्ट्रिय स्वतन्त्र पार्टीले गर्यो भरत पराजुलीलाई उम्मेदवार सिफारिस

मकवानपुर । राष्ट्रिय स्वतन्त्र पार्टी मकवानपुरको जिल्ला भेलाले उम्मेदवार छनोट गरेको छ । आज हेटौंडामा भएको पार्टीको प्रथम प्रारम्भिक जिल्ला...

पिपुल्स पावरको आईपीओ बिक्री खुला

 पिपुल्स पावर कम्पनीको मंगलबार ३१ साउनमा कार्यालय समयबाट सर्वसाधारणका लागि आईपीओ बिक्री खुला भएको छ । कम्पनीले २४ करोड ६७ लाख...

-हरि हुमागाईं

हेटौंडा–मकवानपुरको भीमफेदी गाउँपालिका वडा नम्बर–२, आँपचौर स्थित एक कुखुरा फर्ममा बर्डफ्लु देखियो । किसानले खोरमा पालेका कुखुरामा बर्डफ्लु देखिएपछि केही कुखुरा मरे र केहीलाई पशु चिकित्सकको सल्लाहमा मारिएको थियो ।

कुखुरा मर्न थालेपछि बर्डफ्लु जाँच गरिएको थियो । उक्त क्षेत्रमा कुखुरा मर्न थालेपछि ल्याब परीक्षण गर्दा बर्डफ्लु एचफाइब एनवान नामक भाइरस संक्रमण भएको पुष्टि भएको पशुसेवा विज्ञकेन्द्र मकवानपुर प्रमुख डा. व्रजकिशोर ठाकुरले जानकारी दिए ।

मकवानपुरका दश वटै स्थानीय तहमा किसानले कुखुरापालन गर्ने गरेका छन् । सबभन्दा धेरै हेटौंडाको कमाने र चुरियामाई क्षेत्रमा कुखुरापालन हुने गरेको छ । बर्डफ्लु रोग फैलन नदिन लागि किसान सचेत हुँदा हुँदै पनि देखापर्ने गरेको छ ।

मकवानपुरमा २०६९ र २०७५ सालमा बर्डफ्लु देखिएको थियो । जिल्लामा करिब १ हजार ३ सय कुखुरापालक किसान छन् । कुखुरापालक किसानका लागि महामारीका रुपमा लिइएको बर्डफ्लु रोगलाई समयमा रोकथाम गर्न नसके यसले ठूलो क्षति पु¥याउने जानकारहरु बताउँछन् ।

पछीमा लाग्ने संक्रामक रोग बर्डफ्लु चितवनका विभिन्न ठाउँका व्यावसायिक कुखुरा फार्ममा पनि देखापरेको छ । जिल्लास्थित बर्डफ्लु नियन्त्रण समितिको बैठकले रोग पुष्टि भएका ३ ठाउँका फार्मका कुखुरा नष्ट गर्ने निर्णय गरेको छ ।

चितवनमा थप २ ठाउँमा पनि बर्डफ्लु पुष्टि भएको र पक्षी नष्ट गरिएको छ । चितवनको खैरहनी–२ मा रहेको किरणप्रसाद कँडेलको तात्रीवास पशु विकास तथा कृषि अनुसन्धान केन्द्र प्रालिलाई केन्द्र मानेर त्यस नजिकका चारै दिशाका पक्षी, सम्बन्धित सामग्री र उत्पादन नष्ट गरिएका हुन् ।

भरतपुर–८ मा मदनकृष्ण मानन्धरले पालेको लेयर्स कुखुरा फार्म र भरतपुर–२३ मा खेमलाल भुसाल र चन्द्र भुसालले पालेको कमर्सियल लेयर्स कुखुरा फार्मका पनि कुखुरा र सम्बन्धित उत्पादन नष्ट गरिएको छ ।

बर्डफ्लु देखिएका स्थानको ७ किलोमिटर परिधिभित्र कडा निगरानी राख्ने पनि समितिले जनाएको छ । बर्डफ्लु प्रभावित क्षेत्रबाट कुखुरा र पक्षीसँग सम्बन्धित पदार्थ र उत्पादन ओसारपसार गर्न नपाउने निर्णय पनि समितिले गरेको छ ।

मकवानपुर र चितवनमात्र होइन, वागमती प्रदेशका ६ जिल्लामा बर्डफ्लु रोगको संक्रमण फैलिएको छ । प्रदेशको कृषि तथा पशुपक्षी विकास मन्त्रालयका सचिव डा. शरणकुमार पाण्डेले बर्डफ्लु रोग फैलिएकाले यसबाट सचेत हुन आग्रह गरे । बर्डफ्लु देखिएका स्थानमा पक्षी नष्ट गरिएको र क्षतिवापत् रकम समेत दिइने मन्त्रालयका सचिव पाण्डेले बताए ।

मन्त्रालयका अनुसार काठमाडौं, ललितपुर, भक्तपुर, चितवन, मकवानपुर र सिन्धुपाल्चोकमा बर्डफ्लु देखिएको हो । प्रदेशमा माघ १६ गतेदेखि हालसम्म संक्रमण विभिन्न जिल्लामा फैलिरहेको उनले बताए । बर्डफ्लु संक्रमण देखिएका स्थानहरुमा हालसम्म ५८ हजार २ सय ६१ पक्षी, २२ हजार ३४ वटा अण्डा र ११ हजार ४ सय ३९ केजी दाना सुरक्षित तवरबाट नष्ट गरिएको मन्त्रालयले जनाएको छ ।

कुखुरामा बर्डफ्लु देखिन थालेपछि यसको परीक्षणलाई तीव्रता दिइएको वागमती प्रदेशको पशुपक्षी तथा मत्स्य विकास निर्देशनालय हेटौंडाका निर्देशक डा. मुगलप्रसाद साहले जानकारी दिए । पशुपक्षीमा कुनै रोग लागे यसको परीक्षण गर्ने, औषधि उपचार गर्ने, किसानलाई सचेत गराउनेलगायत नियमित कामहरु भइरहेको उनले बताए । चितवन जिल्लामा कुखुराको सख्या धेरै भएकाले बर्डफ्लुको जोखिम पनि निकै रहेको निर्देशक साहले बताएका छन् ।

संघीय सरकारले तोकेको मापदण्ड र नीतिअनुसार कृषकलाई राहतस्वरुप क्षतिपूर्ति दिने सरकारको योजना रहेको सचिव पाण्डेले बताए । मन्त्रालयले बर्डफ्लु रोगको समयमै निदान र नियन्त्रणको लागि विभिन्न पहल गरिरहेको जनाएको छ ।

प्रदेशका अन्य जिल्लामा रोग फैलन नदिन परीक्षणको दायरा फराकिलो बनाइएको छ । एक क्षेत्रबाट अर्को क्षेत्रमा संक्रमण फैलन नदिन नमूना संकलन, परीक्षण र निगरानी बढाइएको मन्त्रालयका कृषि विकास महाशाखा प्रमुख तथा प्रवक्ता झलकनाथ कँडेलले जानकारी दिए ।

संक्रमणको जोखिम बढ्न नदिन र रोग नियन्त्रणका लागि प्रदेश सरकारले मातहत निकायमा कार्यरत् पशु चिकित्सक तथा कर्मचारीलाई लामो बिदामा नबस्न तथा जिल्ला नछाड्न पत्राचार गरेको छ । सबै जिल्लाका भेटेरिनरी अस्पताल तथा पशुविज्ञ केन्दबाट ¥यापिड टेष्ट किटबाट परीक्षणको व्यवस्था मिलाइएको छ ।

संक्रमित पक्षीको ओसारप्रसारमा पनि कडाइ गरिएको छ । त्यसका लागि प्रहरीको समन्वयमा पक्षीपालक व्यवसायीले ढुवानीका लागि भेटेरिनरी स्वास्थ्य कार्डमा कडाइ गर्ने र ¥यापिड टेष्ट रिपोर्ट अनिवार्य गर्ने सम्बन्धमा छलफल गरिरहेको मन्त्रालयका प्रवक्ता कँडेलले जानकारी दिए ।

नेपालमा पहिलो पटक सन् २००९ मा बर्डफ्लु रोग देखापरेको थियो भने तत्पश्चात् विभिन्न जिल्लामा कृषक÷व्यवसायीले पालन गरिरहेका पक्षीमा रोगको संक्रमण देखिएको छ । उक्त रोग लागिसकेपछि पक्षीहरुमा अधिक मृत्युदर हुने हुँदा कृषक र व्यवसायी पक्षीपालन व्यवसायबाट पलायन हुने अवस्था सृजना हुने र खाद्य तथा पोषण सुरक्षामा असर पर्ने प्रदेशको पशुपक्षी तथा मत्स्य विकास निर्देशनालय हेटौंडाका पशु चिकित्सक डा. बबलु ठाकुरले बताए ।

कसरी नियन्त्रण ?
विषाणुबाट लाग्ने बर्डफ्लु रोगे नियन्त्रण समयमा गर्नु सबैको दायित्व र कर्तव्य पनि हो । पक्षीपालनमा बर्डफ्लु रोगको निरन्तर संक्रमणका कारण कृषक र व्यवसायीले व्यहोर्ने पर्ने क्षति न्यूनीकरण र रोगलाई थप फैलन नदिन कृषि तथा पशुपक्षी विकास मन्त्रालय, वागमती प्रदेशले सम्बन्धित सबै सरोकारवालाहरुसँग समन्वय गरी योजनावद्धढंगबाट कार्यक्रम अगाडि ल्याएको जनाएको छ ।

प्रदेशभित्र रोग नियन्त्रणका लागि आवश्यक जनशक्ति व्यवस्थापन गर्न कृषि तथा पशुविज्ञान अध्ययन संस्थानसँग छलफल भइरहेको छ । कृषकलाई बर्डफ्लु रोगको छिटो सूचनाप्रवाह गर्ने कार्य सहजीकरणका लागि टोलफ्रि नम्बरको व्यवस्था गर्ने प्रक्रिया अघि बढाइएको छ ।

लोकप्रिय

‘थापाको गृहनगर राप्रपाको निशानामा’ एक रुपियाँ भ्रष्टाचार गरे झुण्डिन तयार

–निशा गुरुङ हेटौंडा–महाधिवेशनमा पराजित भएपछि राप्रपा नेपालको कमाण्ड सम्हालेका कमल थापाको गृहनगर हेटौंडालाई राष्ट्रिय प्रजातन्त्र पार्टीका अध्यक्ष राजेन्द्र लिङ्देनले...

हेटौँडाकी किशुको चर्चित गितको ‘म्यासअप’ सार्वजनिक

हेटौँडा-अहिलेका नयाँ पुस्ताहरुलाई नेपालका पुराना तथा निकै सुमधुर गितहरुबारे जानकारी नहुन सक्छ । ति सुपरहिट मानिएका ८ वटा नेपाली गित समेटेर हेटौँडाकी...

बकैयाका किसानहरु व्यवसायिक कृषिमा अब्बल बन्दै

-आशिष चौलागाँई हेटौंडा-पूर्वि मकवानपुर बकैया गाउँपालिका-७ किसानहरु व्यवसायिक कृषिमा अब्बल बन्दै गएका छन् । वि.सं.२०५६ सालदेखि कृषि पेसामा निरन्तर...

Related Articles

मनमोहनकै शैलीमा ओलीको ‘भावी प्रधानमन्त्री कार्ड’: एमालेलाई फाइदा कि घाटा ?

११ भदौको एमाले केन्द्रीय कमिटी बैठकले अध्यक्ष केपी शर्मा ओलीलाई भावी प्रधानमन्त्री घोषणा गरेर ४ मंसिरको चुनावमा होमिने निर्णय लियो । दुई दिन...

मकवानपुर-२ छोड्दैनौं, माओवादीबाट मै उम्मेदवार बन्छु : बिडारी

राष्ट्रियसभाका पूर्व सदस्य एवम नेकपा माओवादी केन्द्रका केन्द्रीय सदस्य रामनारायण बिडारीले मकवानपुर–२ मा आफूहरुले दाबी नछाड्ने बताएका छन्। आइतबार...

हेटौँडामा पनि नक्सा नभएका, सडक मिचेर बनाएका संरचनामा डोजर चल्ने 

हेटौँडा उपमहानगरपालिकापनि अबैध ढंगबाट सडक मिचेर बनाईएको संरचनालाई उपमहानगरपालिकाले खाली गर्ने तयारी गरेको छ । सडक पेटी मिचेर निर्माण गरिएको संरचनाको कारण...