हेटौंडा-मकवानपुरको हेटौंडा उपमहानगरपालिका १५ स्थित पुर्व पश्चिम राजमार्गमा दुर्घटना हुँदा एक जनाको मृत्यु भएको छ ।
बाराबाट हेटौडा तर्फ आउदै गरेको ना ६ ख ८४२५ नम्बरको बस र बिपरित दिशा तर्फबाट जादै गरेको बागमती प्रदेश ०२-०२५ प ३०८१ नम्बरको मोटरसाइकल आपसमा ठक्कर खाँदा एकको मृत्यु भएको छ ।
मृत्यु हुनेमा मोटरसाइकलमा सवार बकैया गाउँपालिका ७ बस्ने बर्ष ३७ का शिब प्रसाद सुबेदी रहेको मकवानपुर प्रहरीले जनाएको छ। त्यस्तै मोटरसाइकल चालक दोलखा शैलुङ-५ बस्ने ४६ बर्षीय थनक प्रसाद दुलाल मध्यम घाइते रहेको जिल्ला प्रहरी कार्यालय मकवानपुरका प्रहरी प्रवक्ता नायव उपरिक्षक प्रहरी जयश्वर रिमालले जनाएको छ । दुलालको हाल चुरेहिल अस्पतालमा उपचार भइरहेको प्रहरीले जनाएको छ ।
दुर्घटनापछि सुवेदीको उपचारको क्रममा हेटौंडा अस्पतालमा मृत्यु भएको मकवानपुर प्रहरीले जानकारी दिएको छ ।
ठक्कर दिने बस तथा चालक नियन्त्रणमा रहेका र घटनाको थप अनुसन्धान भइरहेको प्रहरीले जनाएको छ ।
